viernes, 14 de junio de 2013

O dragón Pepe

Rocío e Borja contannos un conto inventado por eles.
Esperamos que vos guste!!


martes, 5 de marzo de 2013

Guia profesorado estratexias Asperger







http://espectroautista.info/ficheros/publicaciones/estrategias-practicas-para-el-aula.pdf

Editado polo Goberno Vasco temos este material que nos da estratexias para o aula cos nenos asperger, ten varios apartados: as relacións sociais, a comunicación, imaxinación e ríxidez, dificultades sensoriais e motoras, dificultades emocionais e destreza para o traballo.

Mostrándo estratexias de utilidades para cada un destes apartados.

jueves, 28 de febrero de 2013

TDAH: guía para educadores e pais

Buscando información para dar resposta ao alumnado que presenta Trastorno por Déficit de Atención e Hiperactividade(TDAH) atopámonos con un libro realmente práctico e de fácil lectura, que resolve moitas dúbidas e ofrece pautas realmente prácticas e interesantes. Está publicado pola fundación ADANA


Tamén queremos recomendar unha páxina moi interesante http://www.trastornohiperactividad.com/
 xa que nela atopamos autra guía para pais e educadores e ademáis poderedes atopar información fiable de todo tipo, preguntas frecuentes, e un montón de recursos interesantes,entre eles un planificador de semana para os rapaces, un test de autoavaliación, contos....

Aquí vos deixamos o máis destacado desta páxina: enlaces directos aos recursos máis prácticos e bonitos que atopamos. Esperamos vos sexan de axuda.



 Guía para pais e educadores
 Clicando na imaxe accederedes a esta completa guía




Pautas orientativas para pais e pautas orientativas para alumnos. 
Clicando na imaxe accedemos directamente ao pequeno cuaderno con pautas cara a familia e o propio alumno





 Planificador persoal para o alumno
Clicando na imaxe accedemos a unha axenda/planificador que te axuda a organizar as tarefas, momentos de ocio, ....








Test de autodiagnóstico
Clicando na imaxe accedemos a un test no que iremos contestando unha serie de preguntas para darnos unha idea aproximada deseestamos ante un caso TDAH ou non. Como primeira aproximación, SEMPRE precisamos dunha valoración médica.










Preciosos contos sobre o TDAH

Clicando na imaxe accedemos ao enlace que nos dará a opción de velos como audiolibros moi ben narrados ou podemos baixalos en formato PDF para imprimir.



















viernes, 22 de febrero de 2013

TICS na infancia

Moitos rapaces presentan ou poden presentar ao longo da súa infancia e adolescencia, algunha clase de tic que como pais ou titores pódennos preocupar. Neste artigo falan dos tics na infancia, da súa relevancia, da súa persistencia, cando preocuparse e cando non. Clicando na imaxeaccederedesao documento.

miércoles, 20 de febrero de 2013

Pautas para aprender a respirar e relaxarse

Neste artigo de "presa - escuela" atopamos unha guía para aprender a relaxarse e a respirar dunha forma máis eficiente e saudable. É un artigo moi interesante xa que nos amosa dunha forma sinxela e esquemática a técnica de relaxación progresiva de Jacobson e unhas pautas de respiración que serán moi útiles tanto na aula de AL como nas sesións de estimulación da linguaxe en educación infantil. Espero que vos resulte interesante. Clicade na imaxe para acceder ó documento.

miércoles, 13 de febrero de 2013

Problemas asociados ao asma. Cando o aire non chega

Atopamos un artigo de prensa-escuela con información e indicacións sobre o asma. Deixámolo a vosa disposición para quen lle poda interesar. Clicade na imaxe para abrir o documento.


martes, 5 de febrero de 2013

Uns consellos para estudar (3º ciclo de E.P.)




ESTUDO EFICAZ

Para que se dea un estudo eficaz por parte dos nosos fillos debemos ter en conta unhas sinxelas normas a facer cumprir e fomentar:

·        HORARIO ESTABLE: sempre a mesma hora, preferiblemente á volta do colexio e seguindo esta PAUTA:

1º Descanso: media hora
2º Estudo: comezar e rematar a tarefa
3º Xogo.

·        LUGAR DE ESTUDO: é convinte que sexa un lugar estable, organizado e sen distractores.

·        ACTIVIDADES DIARIAS:

1º Revisar a AXENDA (tarefa na que participarán os pais)
2º Facer as TAREFAS indicadas na axenda
3º Revisar HORARIO, cadernos, libros...para detectar traballo atrasado.
4º Unha vez rematado, preparar a MOCHILA para o día seguinte.

·        NORMAS EN RELACIÓN ÁS TAREFAS

1º As tarefas son un DEBER do alumno e non debemos de permitir que as cuestionen.
2º Non se debe de pedir “por favor” que as realicen , nin ofrecer premios por facelas, nin usalas como castigo.
3º Debemos de indicar a súa realización de forma tranquila pero FIRME recordando o posterior momento de xogo unha vez rematada a tarefa.

·        AXUDA DOS PAIS

Xa estamos en TERCEIRO CICLO de primaria así que pouco a pouco debemos ir entregando a responsabilidade aos nenos . En todo caso as tarefas téñennas que realizar os nenos e os pais, unicamente, actuarán de guía. O neno sentarase e realizará as tarefas só, pedindo axuda só cando non entende a materia.
Aínda así os pais estarán sempre atentos ás notas, á axenda, ao comportamento...

·        ACTIVIDADES ELEMENTAIS PARA O ESTUDO

Ä    MEMORIZAR
Ä    COMPRENSIÓN LECTORA
Ä    SUBLIÑAR
Ä    RESUMOS
Ä    ESQUEMAS e REPASO

·        TÉCNICAS DE ESTUDO

1º LECTURA RÁPIDA: para obter unha visión xeral do contido a traballar ou estudar.

2º LECTURA COMPRENSIVA.

3º SUBLIÑADO: despois da lectura rápida , ler detidamente cada párrafo e separar a INFORMACIÓN IMPORTANTE.

4º RESUMO: Escribir con PALABRAS PROPIAS  a materia a estudar usando o material subliñado.

5º ESQUEMAS E REPASO: Os esquemas serán mapas de conceptos , é dicir, recollerán as PALABRAS IMPORTANTES e se é preciso unha pequena explicación.
 Despois LERASE o traballo realizado en VOZ ALTA e preferiblemente camiñando xa que isto axuda ao funcionamento cerebral.
Haberá que MEMORIZAR o traballo feito intentando explicalo con PALABRAS PROPIAS ou usando técnicas como a REPETICIÓN (oral ou escrita).

·        MOTIVACIÓN e ACTITUDE ANTE O ESTUDO.

Para que todas estas técnicas nos axuden a obter resultados, os nosos fillos teñen que estar motivados ante o estudo. Para iso, temos que reforzalos positivamente ante o traballo escolar e alabar os seus logros pero moito máis, os seus esforzos e ganas de superarse. Facelos conscientes da SATISFACCIÓN que por si mesma produce a aprendizaxe, que aínda que se equivoquen moitas veces de aí tamén obterán coñecementos (APRENDIZAXE POR ERRO), e tan importante saber asumir o éxito como o fracaso. Fracasar forma parte da vida e a superprotección levaranos a frustración.
Os nosos fillos se fan maiores e como pais responsables debemos DEIXÁLOS MEDRAR.





Actividade de lectura rápida para dislexia

Actividade de lectura rápida e recoñecemento visual de palabras moi práctico para traballar con alumnado con dislexia.


lunes, 4 de febrero de 2013

Xogos de discriminación auditiva que nos encantan

Aquí vos deixamos tres xogos de discriminación auditiva de diferentes niveis. Son prácticos e divertidos. Facendo clic nas imaxes xa podedes traballar con eles.






Este último é un xogo máis avanzado para a discriminación de fonemas e sinfóns:


miércoles, 30 de enero de 2013

E como?

Imos a entrar nesta páxina, chea de recursos, que nos vai axudar a ser mellores:

lunes, 28 de enero de 2013

avaliación inicial do alumnado de incorporación tardía

 O obxectivo principal desta guía é mellorar a práctica na inclusión educativa do alumnado extranxeiro e das súas familias no entorno escola...






http://www.educastur.es/media/publicaciones/apoyo/orientacion/guia_incorporacion_tardia.pdf